Saxta kərə yağı istehsal edən sexlər aşkarlanıb

Saxta kərə yağı istehsal edən sexlər aşkarlanıb

Azərbaycan Respublikasının Qida Təhlükəsizliyi Agentliyi (AQTA) ölkə ərazisində qanunvericiliyin tələbləri çərçivəsində qida təhlükəsizliyinin təmin edilməsi, istehlakçıların hüquqlarının müdafiəsi sahəsində tədbirləri davam etdirir.

"OLAYLAR" xəbər verir ki, Agentliyə Lənkəran, Masallı və Cəlilabad rayonlarında yerləşən, sanitar-gigiyena və texniki normativ sənədlərin tələblərinə əməl etmədən fəaliyyət göstərən süd və süd emalı müəssisələrində qanunsuz yollarlasüd məhsullarının- saxta kərə yağının istehsal olunması ilə bağlı məlumat daxil olub.

Daxil olan məlumat əsasında Cəlilabad rayonunun Ocaqlı kəndi, Masallı rayonunun Boradigah qəsəbəsində süd  qəbulu və emalı sexlərində, Masallı rayonunun Şərəfə, Viləş və Çaxırlıkəndlərində və Lənkəran şəhərinin Boladi kəndində yerləşən süd qəbulu məntəqələrində reydlər keçirilmiş, xammalın qəbulu və istehsalı sahələrində anti-sanitar vəziyyətin hökm sürdüyü və emal prosesindəmüxtəlif bitki yağları - marqarin, spred yağlarından istifadə edilərək"nehrə yağı", "kərə yağı" adları altında qanunsuz yollarla yağların, süd məhsullarının istehsal olunması faktları öz təsdiqini tapmışdır.Yerlərdə aparılan araşdırmalar zamanı  qəbul və istehsal müəssisələrində xammalın qəbulu, istehsalı zamanı  sanitar-gigiyena və texniki-normativ tələblərinciddi şəkildə pozulduğu müəyyən olunub.

Aşkar olunan faktlar əsasında  istehsal və emal müəssisələri ilə bağlı qanunvericilik çərçivəsində tədbirlər həyata keçirilir.

Aşkar olunan qanunsuz fəaliyyətlər və onların nəticələri ilə bağlı genişaraşdırmaların aparılması üçün məhsullardan nümunələr götürülərək Azərbaycan Qida Təhlükəsizliyi İnstitutunun müvafiq laboratoriyalarına göndərilib. Araşdırmalar davam etdirilir.