AVRASİYA PAYTAXTLARININ YAZARLARI NUR-SULTANA YIĞIŞIR

4-5 iyul tarixlərində qardaş Qazaxıstanın paytaxtı Nur-Sultan şəhərində "Avrasiya paytaxtları Yazıçıları, Şair və Publisistlərinin I Xalqlararası Forumu" keçiriləcək. Forum iştirakçıları bu il "Dünya ədəbiyyatı: streotiplərdən arınmaq" ümumi mövzusu ətrafında fikir mübadiləsi aparacaq.

İyirmidən artıq ölkənin nümayəndəsi qatılacaq forumda Azərbaycanı ATATÜRK Mər­kəzinin şöbə müdiri, şair-publisist Əkbər Qoşalı təmsil edəcək.

İlk dəfə düzənlənən forum Qazaxıstan Yazıçılar Birliyi ilə Nur-Sultan şəhər hakimliyinin təşkilatçılığı, digər uyğunprofilli qurum və quruluşların dəstəyi ilə Qazaxıstan paytaxtındakı Milli Muzeydə keçiriləcək.

Dünya şöhrətli qazax şairi Oljas Süleymenov da forumun fəxri qonaqları sırasındadır.