Zaurdan TƏƏCCÜBLƏNDİRƏN ETİRAF: Məcburən onlarla söhbət edirəm

"Mənlə eyni vaxta efirə çıxanlardan xalq artistimiz Azərindir. 35 ildir səhnədəyəm. Hələ ad da almamışam".

Bunu "5/5"də tez-tez efirlərdə görünməyi sevməyən Nurlan Əzizbəyli deyib.

Müğənninin bu açıqlaması verilişin aparıcısı Zaur Kamalı təəccübləndirib:

"Efirlərdə olmalısan ki, camaat yaddan çıxarmasın səni. Elə adamlar efirə çıxır ki, mənim gülməyim gəlir. Elə adamlar oxuyur, deyirəm "Ay Allah ...". Efirdə məcburən mən onlarla oturub söhbət edirəm, danışıram. Çünki, efirimiz 5 gündür. Efirə çağırmaq üçün samballı, səviyəlli müğənni azlıq təşkil edir. Amma sən çəkilmisən kənara. Sizdə də günah böyükdür. Çəkilmisiniz kənara, onlara imkan verirsiniz ki, gedin oxuyun".