AzTU Avropanın ali məktəbləri ilə əməkdaşlığı genişləndirir

Alman Akademik Mübadilə Xidmətinin (DAAD) «Şərq əməkdaşlığı» proqramı çərçivəsində maşınqayırma sahəsi üzrə universitetlərarası əməkdaşlıq və koopersiya yaradılması haqqında 2010-cu ildə bağlanmış müqavilənin şərtlərinə görə qarşılıqlı akademik səfərlər və informasiya mübadiləsi həyata keçirilir.

Alman Akademik Mübadilə Xidmətinin (DAAD) "Şərq əməkdaşlığı" proqramı çərçivəsində maşınqayırma sahəsi üzrə universitetlərarası əməkdaşlıq və koopersiya yaradılması haqqında 2010-cu ildə bağlanmış müqavilənin şərtlərinə görə qarşılıqlı akademik səfərlər və informasiya mübadiləsi həyata keçirilir. Bu proqram çərçivəsində Azərbaycan Texniki Universitetinin (AzTU) əməkdaşı Fariz Əmirov Almaniyanın Brandenburq Texniki Universitetində (BTU Cottbus-Senftenberg) və Çexiyanın Liberek Texniki Universitetində (LTU) olub. Təhsil ocağından "OLAYLAR"-a bildirilib ki, səfər zamanı Fariz Əmirov Almaniyanın Brandenburq TU-nin maşınqayırma istiqaməti üzrə rəhbəri S.Simon, Çexiyanın Liberek TU-nin maşınqayırma fakültəsinin dekanı, prof. P.Lenfeld və beynəlxalq əlaqələr üzrə dekan müavini, prof. K.Frana ilə gələcək əməkdaşlıq sahəsində bir sıra müzakirələr aparıb. Müzakirələrdə Liberek TU ilə Avropa Birliyinin Ersmus+ proqramı, həmçinin "Enerji təminatı və enerji effektivliyi" (NESEFF) Beynəlxalq Şəbəkəsi çərçivəsində gələcək əməkdaşlıq sahəsində böyük perspektivlərin olması xüsusilə vurğulanıb.