Çıxarışlar əkin sahələrində  çalışanlara iş başındaca təqdim olunub

Əmlak Məsələləri Dövlət Komitəsi kənd təsərrüfatı ilə məşğul olan vətəndaşları, fermerləri sevindirəcək daha bir yeniliyə imza atır. Yenilik “Kütləvi çıxarış” kampaniyası çərçivəsində həyata keçirilir.

Əmlak Məsələləri Dövlət Komitəsi kənd təsərrüfatı ilə məşğul olan vətəndaşları, fermerləri sevindirəcək daha bir yeniliyə imza atır. Yenilik "Kütləvi çıxarış" kampaniyası çərçivəsində həyata keçirilir. ƏMDK-dan "Olaylar"a verilən xəbərə görə, komitə kənd təsərrüfatı ilə məşğul olan insanlara çıxarışları elə iş başında, əkin biçin işlərinin aparıldığı sahələrdə verəcək. Məqsəd  ölkədə daşınmaz əmlakın qeydiyyatının sadələşdirilməsi, insanlarda vaxt itkisinin qarşısnın alınması, onların xidmətlərə əlçatanlığının təmin olunması, vətəndaş məmnunluğunun artırılmasıdır. Bu dəfəki "Kütləvi çıxarış" kampaniyası Cəlilabad rayonun bir neçə kəndində keçirilib. Kampaniya  çərçivəsində çıxarışlar bu kəndlərdə yerləşən fermer təsərrüfatlarında, əkin sahələrində  çalışan vətəndaşlara iş başındaca təqdim olunub. Beləki, 100-ə yaxın vətəndaş çıxarış əldə edib. Verilən çıxarışlar əsasən fərdi yaşayış evləri, pay torpağı, həyətyanı torpaq sahələrini əhatə edib. Onlar  bu sənədi  heç bir yerə  getmədən komitənin mobil ofislərində əldə ediblər. Mövsüm ilə bağlı kəndlinin əkin biçin işləri artır. Bu isə onların sahələrdə, tarlalarda  daha gərgin rejimdə işləməsi deməkdir. Odur ki,  kəndlinin  əmlaklarına dair çıxarışları elə iş başındaca daha rahat əldə etməsi  onların  vaxtını sərf edərək, uzun məsafə qət edərək rayon mərkəzlərinə, aidiyyatı qurumlara getməsinin qarşısını alır. Bu isə kənd təsərrüftaı ilə məşğul olan insanların vaxtlarını daha səmərəli şəkildə planlaşdırmağa imkan verir.