Gənclərlə iş üzrə İctimai Şuranın iclası keçiriləcək

Fevralın 1-də Gənclərlə iş üzrə İctimai Şuranın iclası keçiriləcəkdir. İclasda aşağıdakı mövzuların müzakirə edilməsi nəzərdə tutulub: Bu barədə məlumat “OLAYLAR”-a GİN-in mətbuat katibliyindən daxil olub.

Fevralın 1-də Gənclərlə iş üzrə İctimai Şuranın iclası keçiriləcəkdir. İclasda aşağıdakı mövzuların müzakirə edilməsi nəzərdə tutulub: Bu barədə məlumat "OLAYLAR"-a GİN-in mətbuat katibliyindən daxil olub. Bildirilib ki, iclasda Azərbaycan Gənclərinin VIII Forumunun keçirilməsi ilə bağlı təkliflərin irəli sürülməsi, "İslam Həmrəyliyi İli" çərçivəsində gənclər təşkilatlarının fəaliyyəti, "Azərbaycan gəncliyi 2015-2025-ci illərdə inkışaf Strategiyası"nın icrası ilə bağlı görülmüş işlər müzakirə ediləcək. İctimai Şuranın əsas məqsədi dövlət gənclər siyasətinin həyata keçirilməsi ilə bağlı qərarların qəbulu prosesində gənclərin qeyri-hökumət təşkilatlarının (ictimai birliklər və fondlar) iştirakını təmin etməkdir. İndiyədək İcimai Şuranın iclaslarında Gənclərin Forumlarının keçirilməsi, 2 fevral - Azərbaycan gəncləri gününün qeyd olunması, Prezident, Milli Məclis və bələdiyyə seçkilərində gənclərin fəal iştirakı, qanunların və dövlət proqramlarının layihələri, gənclərin mənəvi-əxlaqi və vətənpərvərlik tərbiyəsi, qondarma "erməni soyqırımı"nın tarixi gerçəklikdən uzaq olması, 2007-ci ilin gənclər ili elan olunması ilə əlaqədar görüləcək işlər və s. məsələlər müzakirə olunmuş, dünyada və respublikada baş verən mühüm ictimai-siyasi hadisələrə münasibət bildirilib. İclasın sonunda gənclər siyasətinin həyata keçirilməsində səmərəli fəaliyyətinə görə ictimai fəal gənclərin və gənclər təşkilatlarının mükafatlandırılması nəzərdə tutulur.