Ağcabədidə yeni vergi ödəyicilərinə xidmət mərkəzi açılıb
Yanvarın 25-də 8 saylı Ərazi Vergilər İdarəsinin əhatə dairəsinə daxil olan Ağcabədi rayonunda Vergilər Nazirliyinin rəhbər vəzifəli şəxslərinin, sahibkarların və ictimaiyyət nümayəndələrinin iştirakı ilə daha bir Vergi ödəyicilərinə xidmət mərkəzinin açılışı olub. Nazirlikdən “Olaylar”a verilən məlumata görə, açılış mərasimində iştirak edən vergilər nazirinin müavini Sahib Ələkbərov tədbir iştirakçılarının nəzərinə çatdırıb ki, vergilərin könüllü ödənilməsi sisteminin gücləndirilməsi, sahibkarlığın inkişafı və əlverişli biznes mühitinin formalaşdırılması, vergi ödəyicilərinə göstərilən xidmətlərin genişləndirilməsi və daha əlçatan olması məqsədilə Vergilər Nazirliyi tərəfindən regionlarda, xüsusilə vergi orqanı olmayan iri şəhər və rayonlarda vergi ödəyicilərinə xidmət mərkəzləri yaradılır.
Yanvarın 25-də 8 saylı Ərazi Vergilər İdarəsinin əhatə dairəsinə daxil olan Ağcabədi rayonunda Vergilər Nazirliyinin rəhbər vəzifəli şəxslərinin, sahibkarların və ictimaiyyət nümayəndələrinin iştirakı ilə daha bir Vergi ödəyicilərinə xidmət mərkəzinin açılışı olub. Nazirlikdən "Olaylar"a verilən məlumata görə, açılış mərasimində iştirak edən vergilər nazirinin müavini Sahib Ələkbərov tədbir iştirakçılarının nəzərinə çatdırıb ki, vergilərin könüllü ödənilməsi sisteminin gücləndirilməsi, sahibkarlığın inkişafı və əlverişli biznes mühitinin formalaşdırılması, vergi ödəyicilərinə göstərilən xidmətlərin genişləndirilməsi və daha əlçatan olması məqsədilə Vergilər Nazirliyi tərəfindən regionlarda, xüsusilə vergi orqanı olmayan iri şəhər və rayonlarda vergi ödəyicilərinə xidmət mərkəzləri yaradılır. Hazırda respublikada müasir standartlara cavab verən 57 belə xidmət mərkəzi uğurla fəaliyyət göstərir. Bildirilib ki, 8 saylı ƏVİ-nin əhatə dairəsinə daxil olan Beyləqan və İmişli rayonlarında bu cür xidmət mərkəzi artıq mövcud idi, indi isə Ağcabədi rayonundan olan sahibkarlar üçün yeni bir mərkəz istifadəyə verilir. Yeni istifadəyə verilən Vergi ödəyicilərinə xidmət mərkəzində sahibkarlara vergi uçotuna alınmaq, vergi qanunvericiliyinin tətbiqi, vergi bəyannamələrinin tərtib edilməsi və göndərilməsi, vergi ödəyiciləri ilə vergi orqanı arasında elektron sənəd mübadiləsinin aparılmasına dair xidmətlər göstəriləcək, müraciət edənlərə büdcəyə olan borclarının öyrənilməsi və öz şəxsi vərəqələrinə nəzər salmaq imkanı yaradılmışdır. Burada, həmçinin sahibkarlıq fəaliyyətinə yeni başlayanlara təlimlər də təşkil olunacaq. Sabit vergi ödəyən fiziki şəxslər sadələşdirilmiş vergi üzrə sabit məbləğin ödənilməsi haqqında qəbzi də sözügedən xidmət mərkəzindən əldə edə biləcəklər.