20 Yanvar faciəsinə həsr olunmuş rəsm müsabiqəsi keçirilib

17 Yanvar 2017 17:55 Sosial

İsmayıllı rayon Təhsil Şöbəsinin 20 Yanvar faciəsinin 27-ci il dönümünə həsr edilmiş tədbirlər planına uyğun olaraq 17 yanvar 2017-ci il tarixində uşaq kitabxanasında ümumtəhsil məktəblərinin şagirdləri arasında rəsm müsabiqəsi keçirilib. "OLAYLAR"-ın Rayon İcra Hakimiyyətinə istinadən verdiyi xəbərə görə, müsabiqədə rayon İcra Hakimiyyətinin məsul işçisi, Təhsil Şöbəsinin əməkdaşları, Uşaq Yaradıcılıq Mərkəzini direktoru X. Xalıqov və ümumtəhsil məktəblərinin müəllim və şagirdləri iştirak ediblər. Tədbirdə UYM-nin direktoru Xalıq Xalıqov çıxış edərək 20 Yanvar faciəsi haqqında ətraflı məlumat verib. İsmayıllı Rayon İcra Hakimiyyətinin əməkdaşı Gülnarə Mirzəliyeva çıxış edərək 20 Yanvar faciəsinin tariximizdə və müstəqilliyimizin qazanılmasındakı yerini tədbir iştirakçılarına çatdırıb. Sonda münsiflər heyəti tərəfindən I, II, III və həvəsləndirici yerə layiq görülən işlər müəyyənləşdirilərək mükafatlandırılması üçün təşkilat komissiyasına təqdim edilib.

Təklifinizi, şikayətinizi bizə yazın. Sizi dinlərik. 055 634 88 31