“Təmiz Xəzər-sağlam şəhər” adlı layihə keçirildi
Müasir dövrdə ekoloji durumu və sosial-iqtisadi vəziyyəti nəzərə alaraq respublika ərazisində, xüsusən Bakı və Abşeron yarımadasında məskunlaşmış insanlar arasında ekoloji təmizliklə bağlı maarifçilik işlərinə ehtiyac vardır.
Müasir dövrdə ekoloji durumu və sosial-iqtisadi vəziyyəti nəzərə alaraq respublika ərazisində, xüsusən Bakı və Abşeron yarımadasında məskunlaşmış insanlar arasında ekoloji təmizliklə bağlı maarifçilik işlərinə ehtiyac vardır.
Azərbaycan Respublikası Prezidenti yanında Gənclər Fondunun maliyyə dəstəyi ilə "Təmiz Xəzər-sağlam şəhər" layihəsinə start verilib. Layihə çərçivəsində Bakı ətrafı Xəzərin sahillərində ekoloji təmizliyə nail olmaq üçün ilk növbədə problemi daha ətraflı öyrənərək ictimaiətə çatdırmaq, xüsusilə dənizə yaxınlıqda yaşayan kənd, qəsəbə sakinlərinin diqqətini bu problemə cəlb etmək və problemin səbəblərini onlara yaxından göstərmək, ətrazidə təmizlik aksiyalarının təşkil etmək layihənin əsas məqsədi idi.
Layihəyə cəlb edilən gənclər Xəzər dənizinin Bakı və Abşeron yarımadasındakı sahil zolağındakı ekoloji vəziyyəti öyrənməklə daha çox çirklənmiş ərazilərdə təmizlik aksiyaları və ekoloji təmizliklə bağlı maarifləndirmə tədbirlər həyata keçiriblər. Eyni zamanda layihə geniş ictimaiətin diqqətini bu problemin həllinə yönəldərək həmin ərazilərə məişət tullantılarının və çirkab sularının axıdılmaması üçün əraziyə yaxın kənd və qəsəbələrdə, təhsil ocaqlarında maarifləndirici tədbirlərin keçirilməsini qarşıya məqsəd kimi qoyur.
Layihə çərçivəsində həyata keçirilən işlər ilk növbədə Xəzər dənizinin sahil zolağı və suyun təmiz saxlanılmasına hesablandığı üçün ilk növbədə dəniz kənarında istirahət üçün üz tutan şəhər sakinləri və sahilə yaxın yerləşən yaşayış massivlərində məskunlaşan insanlar daha təmiz, sağlam ekoloji mühitdə istirahət edə və yaşaya biləcəklər.Ən əsası isə insanlara bu istiqamətdə zəruri məlumatların verilməsi işini nəzərdə tutan layihə gələcəkdə sahil zolağının və suyun içərisinin çirklənməməsinə, əksinə insanlar, yerli sakinlər tərəfindən mütəmadi təmizlik işlərinin aparılmasına nail olmaqla Bakının ekosisteminə töhfə verəcəkdir.