Milli dövlətçiliyimizə zidd fəaliyyət - Ramiz Mehdiyev, Əli Kərimli və Gültəkin Hacıbəylinin siyasi konsktruksiyası
Azərbaycanın milli və dövlətçilik maraqlarının müdafiəsi hər zaman əsas prioritet və strateji əhəmiyyət kəsb edir. Bu baxımdan regional və qlobal geosiyasi proseslərin sürətlə dəyişdiyi, münaqişələrin artdığı bir zaman kəsiyində ölkəmizə qarşı təhdidlər, informativ, siyasi və ideoloji təzyiqlər artır, müxtəlif dairələr ölkə daxildə çaşqınlıq yaratmaq üçün fəaliyyətlərini koordinasiya etməyə cəhdlər göstərirlər. Təssüf ki, olduqca həssas bir məqamda bəzi sıra anti-milli ünsürlər, o cümlədən Əli Kərimli və Gültəkin Hacıbəyli uzun illərdir ki, dövlətçiliyimizə qarşı qərəzli münasibət sərgiləməklə daxili sabitliyi pozmaq yönündə fəaliyyət göstərirlər.
Əli Kərimli, Gültəkin Hacıbəyli və onların şər ittifaqı Azərbaycanın inkişaf dinamikasını, ölkənin sabitliyini, xüsusilə, Möhtərəm cənab Prezident İlham Əliyevin həyata keçirdiyi müdrik, uzaqgörən siyasətin məhsuldar nəticələrini bilərəkdən və qəsdlə təhrif etməyə çalışırlar. Təbii ki, onların fəaliyyəti siyasi mübarizə deyil, destruktiv və yalan kompaniyalar, Ramiz Mehdiyevin qurduğu ssenarinin və təbliğatın tərkib hissəsidir.
Ramiz Mehdiyevin dövlətimizin dayaqlarını sarsıtmaq və dövlətimizi ələ keçirmək planlarının içərisində Əli Kərimli, Gültəkin Hacıbəyli kimilərinin yer alması uzun illərdi ki, özünü göstərməkdə idi. Bu təkcə anti-Azərbaycan mövqeyi deyil, eyni zamanda milli təhlükəsizliyimizə ciddi təhdiddir.
Möhtərəm, Cənab Prezident, Ali Baş Komandan İlham Əliyevin rəhbərliyi ilə bütün sahələrdə misilsiz yüksəlişə imza atmış, ölkəmiz regional liderə çevrilmiş və qətiyyətli siyasi iradə nəticəsində torpaqlarımız işğaldan azad olunmuş və tarixi ədalət bərqərar edilmişdir. Qürur duyduğumuz bu reallığı inkar etmək, əldə etdiyimiz uğurlara kölgə salmaq cəhdləri qərəzin, antipatiyanın və məkirli xarakterin göstəricisidir.
Dövlət Təhlükəsizlik Xidməti tərəfindən Əli Kərimli və onun yandaşlarının saxlanılması milli təhlükəsizliyimizin qorunması naminə atılan zəruri hüquqi addım kimi qiymətləndirilməlidir.
Əminəm ki, Dövlət Təhlükəsizlik Xidmətinin həyata keçirdiyi bu əməliyyat ölkədə sabitliyin bir daha təmin olunması, dövlət institutlarına qarşı yönələn təhdidlərin zərərsizləşdirilməsi xalqımız tərəfindən yüksək səviyyədə dəstəklənəcəkdir.
Heç şübhəsiz ki, bundan sonra da milli dövlətçiliyimizə
qarşı yönələn istənilən cəhdin qarşısı qətiyyətlə alınacaqdır.
Günay Ağamalı
Milli Məclisin deputatı, Ana Vətən Partiyasının sədr müavini.
30 Noyabr 2025-ci il.