Trampın təklifi dayanıqlı sülhə xidmət etmir- ÖZƏL

"ABŞ prezidenti Donald Trampın təklif etdiyi  28 bəndlik sülh planı heç bir tərəfi qane etmir". "Olaylar" xəbər verir ki, bunu siyasi şərhçi Mürtəza Bünyadlı deyib: "Sənəd Ukraynanın ərazi bütövlüyünün itirilməsi deməkdir ki, Kiyevə də bununla barışması  həyati və ölüm-dirim məsələsidir. Ukraynanın ərazi itkisi dayanıqlı sülh demək deyil. Kiyevin  belə bir sənədlə hesablaşması təkcə Ukrayna üçün deyil, Moskvanın yenidən revanşına yol açması  və yeni qlobal geosiyasi reallığın yaranmasına gətirib çıxara bilər ki. bu nəinki Ukrayna və Avropaya, o cümlədən post-sovet ölkələri üçün də təhdidlər yaradır.  Bu həm də ABŞ-ın strateji maraqları üçün təhdiddir.
Amma münaqişənin dondurulmasının üstün cəhətləri də var. Belə ki, Ukrayna  yenidən özünü bərpa edib gücləndirmək üçün imkanlar əldə edir.  Təklif olunan plana uyğun olaraq bərpa investisiyaları üçün 100 mlrd dollar nəzərdə tutulur. Ukrayna bunu həm də fürsətə çevirə bilər. Nəticə olaraq Trampın bu planını Rusiya-Ukrayna müharibəsində dayanıqlı sülhə deyil, əslində yaxın perspektivdəki hədəfləri reallaşdırmağa xidmət edir".