Səudiyyə Ərəbistanında idman sahəsində qadınların rolu müzakirə edilib- ÖZƏL

Milli Məclisin deputatı Könül Nurullayeva Səudiyyə Ərəbistanının İdman Nazirliyinin "İdmanda qadınlar" mövzusunda təşkil etdiyi konfransda iştirak edib. "Olaylar" xəbər verir ki, bu barədə millət vəkili özü məlumat verib: "Konfransın əsas məqsədi bölgədə idman sahəsində qadınların rolunun gücləndirilməsi, qadın liderliyinin təşviqi və gələcək inkişaf strategiyalarının müəyyənləşdirilməsi idi. Qeyd edim ki, Zati-aliləri şahzadə Rima bint Bəndər Al Səud, Əlahəzrət şahzadə Nuf bint Xalid Al Səud, olimpiya və dünya çempionları Allison Feliks, İman Xəlif, İbtihac Məhəmməd, Sandaa əl-Dass, Zinnət Ferdus, Astu Ndiaye-Diatta, Manon Uaisimin və digər hörmətli qonaqların iştirakı ilə baş tutan platformada idman ekosistemində transformasiya prosesləri, inklüzivlik, gender bərabərliyi və davamlı inkişaf istiqamətləri ətrafında geniş müzakirələr aparıldı".