Türkiyə hərbçiləri Bakıdakı paradda şəxsi heyət və 6 ədəd F-16 ilə keçid edəcək

Türkiyə Hərbi Hava Qüvvələrinə məxsus 6 ədəd F-16 Bakıda noyabrın 8-də baş tutacaq Zəfər paradında uçuş edəcək.

Bu barədə nazirliyin Mətbuat və ictimaiyyətlə əlaqələr üzrə müşaviri Zeki Aktürk mətbuat konfransında deyib.

O qeyd edib ki, sabah Mehtər Birliyinin orkestri ilə Gəncə Dövlət Filarmoniyasının orkestri birgə konsert proqramı olacaq.

8 noyabrda isə Türkiyə Prezident Qvardiyasının Mərasim Birliyi tərəfindən rəsmi yürüş keçiriləcək və Hərbi Hava Qüvvələrinə məxsus 6 ədəd F-16 qırıcısı ilə uçuş nümayişi təşkil olunacaq.

Həmçinin Türkiyə Milli Müdafiə Nazirliyi Azərbaycanı Zəfər Günü və Dövlət Bayrağı Günü münasibətilə təbrik edib:

"İki dövlət, bir millət" anlayışı ilə hər zaman birlik və həmrəylik içində olduğumuz dost və qardaş ölkə Azərbaycanın 8 Noyabr - Zəfər Günü və 9 Noyabr - Dövlət Bayrağı Günü münasibətilə ürəkdən təbrik edirik", - deyə o qeyd edib.

O həmçinin məlumat verib ki, Türkiyə müdafiə naziri Yaşar Gülər "Azərbaycan Qələbə Günü" münasibətilə Azərbaycanda keçiriləcək mərasimlərdə iştirak edəcək.//"Report"