Arutyunyan: “Sülh prosesi praktiki nəticələr verir”

Ermənistan baş nazirinin aparat rəhbəri Araik Arutyunyan noyabrın 4-də keçirilən "Sülhün qurulması və çoxtərəfli əməkdaşlıq" adlı beynəlxalq forumda çıxış edərək bildirib ki, bu gün sülh prosesi artıq real və praktiki nəticələr verməkdədir.

Olaylar.az xəbər verir ki, onun sözlərinə görə, Azərbaycan və Türkiyə vətəndaş cəmiyyəti nümayəndələrinin və media təmsilçilərinin bu tədbirdə iştirakı müsbət siqnaldır.

Arutyunyanın sözlərinə əsasən, kommunikasiyaların açılması, sülhün bərqərar olması və tərəflərin potensiallarının tam reallaşması regionda yalnız sabitlik və təhlükəsizliyi deyil, həm də xalqlar arasında əlaqələrin güclənməsini və ölkələrin iqtisadi inkişafını təmin edəcək.

Araik Arutyunyan avqustun 8-də Vaşinqtonda paraflanmış Ermənistan və Azərbaycan arasında sülh və dövlətlərarası münasibətlərə dair sazişləri "dönüş nöqtəsi" adlandırıb. (Musavat.com)