Qubadlının azadlığı: Strateji zəfərdən iqtisadi inkişafadək- ÖZƏL

" Vətən müharibəsi zamanı Azərbaycan ordusu böyük rəşadət, peşəkarlıq və ustalıq nümayiş etdirirdi və hər azad olunan kənd, şəhər, rayon bizim üçün əzizdir. Azərbaycanın ərazi bütövlüyü uğrunda canından keçən bütün şəhidlərimizə Allah rəhmət eləsin. Qazilərə can sağlığı arzulayırıq. O cümlədən Qubadlı şəhərinin işğaldan azad edilməsi tarixə böyük əhəmiyyət kəsb edir. Çünki vətən müharibəsinin gedişində Qubadlının azad edilməsi həm də strateji baxımdan önəmli idi. Digər ərazilərə çıxmaq, onları da azad etmək və Azərbaycan ordusunun müzəffər yürüşünü təmin etmək böyük əhəmiyyət daşıyırdı". 
Bu fikirləri politoloq İlyas Hüseynov Olaylar.az-a açıqlamasında söyləyib: 
" Hesab edirəm ki, ötən beş il ərzində viran edilmiş Qubadlının bərpası və yenidən qurulması üzərində böyük işlər həyata keçirilmişdir. Keçmiş məcbur köçkünlərimizin böyük dövlət proqramı çərçivəsində öz doğma yurdlarına qayıdışı da icra olunur və bütün bu işlər Azərbaycanın dövlət büdcəsi hesabına reallaşdırılır. Qubadlının azadlığı yalnız böyük siyasi və hərbi nailiyyət olmaqla kifayətlənmir, həm də Azərbaycanın gücünə güc qatan amildir. Hesab edirəm ki, bölgənin reinteqrasiyası və iqtisadi cəhətdən yüksəlişi təmin olunduqca, Azərbaycan iqtisadiyyatı da güclənəcək, xalqımız rifah səviyyəsinin artmasının şahidi olacaq, məşğulluq təmin olunacaq və bütün mühüm hədəflərə çatacağıq". 

Zeynəb Mustafazadə