Deputatlarımız beynəlxalq konfransa qatılacaqlar

Milli Məclisin deputatları Əziz Ələkbərov və Fariz İsmayılzadə "Beynəlxalq hüquqda qayıdış hüququ" mövzusunda keçiriləcək beynəlxalq konfransda iştirak etmək üçün oktyabrın 26-da Belçika Krallığının Brüssel şəhərinə səfər edəcəklər. 
Milli Məclisin Mətbuat və ictimaiyyətlə əlaqələr şöbəsindən "Olaylar"a bildirilib ki, Konfransda mədəni irs və mülkiyyət hüquqları ilə bağlı məsələlərə baxılacaq, qayıdış hüququ anlayışı ilə bağlı təqdimatlar, panel müzakirələri keçiriləcəkdir. 
Tədbirdə deputatlarımızın çıxışı nəzərdə tutulub.
Səfər oktyabrın 28-də başa çatacaq.