Qəbələdə Türk Dövlətləri Təşkilatının 12-ci Zirvə Görüşü — Prezident İlham Əliyevin Tarixi və Strateji Çıxışı- ÖZƏL

2025-ci il oktyabrın 7-də Azərbaycanın Qəbələ şəhərində Türk Dövlətləri Təşkilatının Dövlət Başçıları Şurasının 12-ci Zirvə Görüşü böyük siyasi əhəmiyyətlə keçirildi. Zirvə görüşü Türk dünyasının siyasi, iqtisadi və mədəni inteqrasiyası üçün mühüm bir dönüş nöqtəsi oldu. Tədbirdə çıxış edən Azərbaycan Prezidenti İlham Əliyev, Türk dünyasının birliyinin gücləndirilməsi, qarşılıqlı əməkdaşlığın genişləndirilməsi və bölgədə davamlı sülhün təmin olunması istiqamətində dərin strateji mesajlar verdi.
Prezident İlham Əliyev çıxışında Qəbələnin qədim tarixi və mədəniyyətinin Türk dünyasının ortaq irsi olduğunu vurğulayaraq, bu şəhərin zirvə görüşünə ev sahibliyi etməsinin simvolik mənasına diqqət çəkdi. O, Türk Dövlətləri Təşkilatının regional əməkdaşlıq üçün mühüm platforma olduğunu qeyd edərək, üzv ölkələr arasında iqtisadi, nəqliyyat, enerji və mədəni sahələrdə daha sıx birgə işlərin vacibliyini xüsusi vurğuladı.
Prezident çıxışında həmçinin bölgədə təhlükəsizlik məsələlərinə toxunaraq, bu sahədə üzv dövlətlərin birgə səylərinin əhəmiyyətini qeyd etdi. O bildirdi ki, Türk dünyasında sabitlik və rifah yalnız əməkdaşlıqla təmin edilə bilər və bu əməkdaşlıq həm regional, həm də qlobal səviyyədə güclü təsir yaradır.
Ən önəmlisi, İlham Əliyev Türk dünyasının birliyinin möhkəmlənməsini gələcəyin strateji prioriteti kimi təqdim etdi. O, ortaq dil, tarix və mədəniyyətin üzvlər arasında dərin bir bağ yaratdığını, bu bağın gücləndirilməsinin isə siyasi, iqtisadi və humanitar sahələrdə yeni uğurların açarı olduğunu vurğuladı.
Bu çıxış Qəbələdə keçirilən Zirvə Görüşünü sadəcə bir toplantıdan çıxararaq Türk dünyasının gələcək strategiyasını müəyyən edən tarixi bir hadisəyə çevirdi. Prezident İlham Əliyevin dediyi kimi, Türk Dövlətləri Təşkilatının gələcəyi birliyimizin gücündədir.

Anar Məmmədov,
YAP Gədəbəy rayon təşkilatının əməkdaşı