Hadrut əməliyyatı Qarabağın azad edilməsini şərtləndirdi- ÖZƏL

"Bu gün Xocavənd rayonunun Hadrut qəsəbəsinin işğaldan azad olunmasından 5 il ötür. 2020-ci il sentyabrın 27-dən başlayaraq Azərbaycan Ordusunun həyata keçirdiyi əks-hücum əməliyyatları nəticəsində Hadrut qəsəbəsi oktyabrın 9-da işğaldan azad edilib". "Olaylar" xəbər verir ki, bunu Milli Məclisin deputatı Nigar Məmmədova deyib: "Hadrut əməliyyatı hərbi və strateji nöqteyi-nəzərdən xüsusi əhəmiyyət daşıyan əməliyyatdır. Bu əməliyyatın uğurla başa çatması Qarabağın azad edilməsini şərtləndirdi. Azərbaycan Ordusu məhz Hadrutun azad olunmasından sonra Şuşaya doğru istiqamət aldı.
2021-ci ilin martın 16-da Müzəffər Ali Baş Komandan, Prezident İlham Əliyev Hadrut qəsəbəsində dövlət bayrağını qaldırdı. Bütün azad olunmuş ərazilərimiz kimi Hadrutda da bərpa-quruculuq işləri aparılır. Bu ilin sentyabrında Hadruta ilk köç yola salınıb. Hadrutun azadlığı uğrunda canından keçən qəhrəman şəhidlərimizə Allahdan rəhmət, qazilərimizə cansağlığı diləyirəm".