Ekspert Trampın planını üzə çıxardı: Mürəkkəb oyunun başlanğıcıdır

ABŞ prezidenti Donald Trampın Ukraynaya "Tomaqavk" raketlərinin mümkün tədarükü ilə bağlı açıqlamaları eskalasiyaya hazırlıq deyil, əsas məqsədi Avropa və dolların möhkəmlənməsi olan mürəkkəb diplomatik və iqtisadi oyunun başlanğıcıdır.

Publika.az xəbər verir ki, bu fikri politoloq Kirill Koktış "Tsarqrad" nəşrinə deyib.

Ekspertin fikrincə, Trampın indiyədək söylədiyi sözlər yalnız "sövdələşmə və şifahi müdaxiləni" ifadə edir və yekun qərar deyil, çünki ABŞ liderinin özü də bundan sonra nə edəcəyini bilmədiyini etiraf edib.

Politoloq əmindir ki, Tramp indi Ukrayna münaqişəsindən Avropaya təzyiq vasitəsi kimi istifadə edir: "Tramp hər şeyin nəticə verəcəyinə ümid edir".

Onun fikrincə, Vaşinqtonun əsas məqsədi Avropa iqtisadiyyatlarından pul çıxarmaqdır. Bu təzyiq taktikası uğursuz olarsa, ABŞ-ın başqa ekstremal tədbirləri var.

Professor Koktış Trampın böyük planının mümkün növbəti mərhələsini belə təsvir edib: "Əgər bu alınmasa, biz avronu məhv etməli olacağıq".