Prezident İlham Əliyev 2023-cü ilin dövlət büdcəsinin icrasını təsdiqləyib

Prezident İlham Əliyev "2023-cü il dövlət büdcəsinin icrası haqqında" qanunu təsdiqləyib.

Olaylar xəbər verir ki, ötən il büdcə gəlirləri 35 milyard 574,8 milyon manat (əvvəlki illə müqayisədə artım 16 %), gəlirlər üzrə plan 105 %, büdcə xərcləri isə 36 milyard 458,5 milyon manat (artım 13,7 %), xərclər üzrə plan 99,5 % icra olunub.

Büdcə kəsiri 883,7 milyon manat və yaxud ÜDM-in 0,7 %-ni təşkil edib.

Bundan başqa, dövlət başçısı müvafiq qanunun icarsı ilə bağlı Fərman imzalayıb.