Qərb dövlətləri Azərbaycanla bağlı məsələlərə ikili standartlarla yanaşırlar- ÖZƏL

"Biz, Qərbdən özümüzə qarşı istər Qarabağ problemi, istər digər məsələlərlə bağlı hər zaman ikili yanaşmanı müşahidə etmişik. 30 illik işğal dövründə ATƏT-in Minks qrupunun həmsədrləri turist səfərlərindən başqa heç bir çalışma etmədilər, heç nə ilə  yadda qalmadılar və biz problemimizi özümüz həll etdik".

Bu sözləri Olaylar.az-a açıqlamasında siyasi şərhçi Mübariz Göyüşlü deyib:

"Nəinki konfrans təşkil etmək, heç onların problemini  həll etmək istəklərini də görə bilmədik. Bu istiqamətdə heç bir ciddi addım atmadılar. Hazırda Azərbaycan-Ermənistan münasibətlərinin tənzimlənmə dövrüdür. Sülh sazişinin imzalanması üçün çalışmalar gedir. Biz Qərb ölkələrinin bu istiqamətdə də pozitiv, təqdirəlayiq addımlarını görə bilmirik. Ukrayna ilə  bağlı davranışlar və digər məsələlər onu göstərir ki, Qərb siyasətçiləri ikiüzlüdürlər, Qərb dövlətləri Azərbaycanla bağlı məsələlərə ikili standartlarla yanaşılar. Bu səbəbdən də belə hallar bizim üçün yenilik deyil, amma təəssüf edirik və qınayırıq".

Qiymət Mahir,

Olaylar.az