Rusiya, Gürcüstan, Türkiyə ilə giriş-çıxış yollarının sayı artırılmalıdır-Deputat

"Azərbaycan Orta dəhlizin məsuliyyətini tam şəkildə öz üzərinə götürüb. Qədim İpək yolunun bərpası ilə əlaqədar addımlar atılır". Olaylar xəbər verir ki, bunu Milli Məclisin bu gün keçirilən iclasında deputat Siyavuş Novruzov deyib.

Deputat bildirib ki, tək Rusiya ilə deyil, gələcəkdə Gürcüstanla da giriş-çıxış yollarının sayı artırılmalıdır: "Biz tək bir yolla gediş-gəlişlə kifayətlənməməliyik. Bu, orada yaşayan azərbaycanlılar üçün də müsbət addım olar. Həmçinin Azərbaycandan Rusiyaya kənd təsərrüfatı məhsulları daşınır, bizə bəzi şikayətlər gəlir ki, gecikirlər, məhsullar xarab olma dərəcəsinə çatır. Eyni zamanda Türkiyə ilə də belə yollar artmalıdır".