Büdcə və büdcəyə nəzarət komitəsi yaradılmalıdır - Deputat

Milli Məclisin bir necə komitəsi birləşdirilərək yeni büdcə və büdcəyə nəzarət komitəsi yaradılmalıdır. Olaylar xəbər verir ki, bu təkliflə Milli Məclisin bu gün keçirilən plenar iclasında "Azərbaycan Respublikasının 2022-ci il dövlət büdcəsinin icrası haqqında" qanun layihəsinin müzakirəsi zamanı millət vəkili Qüdrət Həsənquliyev çıxış edib. Bildirib ki, büdcənin icrasında şəffalığın artırılması üçün qanunvericiliyə təklif məqsədilə ciddi təkliflər hazırlanmalıdır: "Bu Milli Məclisin nəzarət funksiyasını yerinə yetirmək üçün müvafiq zəmin yaradar. Əslində Milli Məclis Hesablama Palatasının rəyinə və deputatların büdcə ilə bağlı çıxışları ilə bağlı qərar qəbul etməlidir".