Gələn ilin yaşayış minimumu qəbul edildi

Milli Məclisdə "Azərbaycan Respublikasında 2023-cü il üçün yaşayış minimumu haqqında" qanun layihəsi müzakirəyə çıxarılıb. "Olaylar" xəbər verir ki, qanun layihəsi birinci oxunuşda müzakirələrdən sonra qəbul olunub. Layihəyə əsasən, əhalinin əsas sosial-demoqrafik qrupları üzrə yaşayış minimumunun məbləği 2023-cü ildə 246 manat təşkil edəcək. Əmək qabiliyyətli əhali üçün bu məbləğ 261 manat, pensiyaçılar üçün 199 manat, uşaqlar üçün isə 220 manat təşkil edəcək.