Telman Nüsrətoğlu: “Milli kadrların önünü açacaq islahatlara  ehtiyac var”

"Bir tərəfdə  qlobal və regional olaraq çox həssas geosiyasi proseslərin cəryan etdiyi bir dövrdə  sadəcə öz ölkəmizin deyil Cənubi Qafqazın müstəqilliyinin möhkəmləndirilməsi, Türk dünyasının birliyinin dərinləşdirilməsi, Türkiyə ilə ortaq güc inşası  istiqamətində intensiv siyasət aparan bir çox mənada kilid rola sahib olan Azərbaycan dövlətinə dərs vermək istəyən güclər var, o biri tərəfdə  bilərəkdən vəya bilməyərəkdən  düşman dəyirmanına su daşıyan,  əməlləriylə müzəffər  Ali Baş Komandanla  onun fədakar  qazisini qarşı qarşıya gətirən bəsirətsiz, cibgir, icra başçıları, bürokrat və  məmurlar".

"OLAYLAR" xəbər verir ki, bu fikirləri Türk İslam Araşdırmalar Mərkəzinin sədri Telman Nüsrətoğlu son vaxtlar müşahidə edilən qazi intiharları ilə bağlı məsələyə toxunarkən qeyd edib. Mərkəz sədri hesab edir ki, mövciud problemin həllinə nail olmaq üçün milli kadrların önünü açacaq islahatlar həyata keçirilməlidir: "İllərdir acizanə şəkildə dilə gətiririk,  bu millətin dərdiylə dərdlənən,  problemləri çözərək dövlətin  yükünü azaldan, dövlətimizin  şəfqətli üzünü vətəndaşına göstərən  milli kadrların önünü açacaq islahatlara  ehtiyac var".