Sosial problemlər o səviyyədə deyil ki... -  Əli Hüseynli

"Biz həmişə məsələ qaldırırdıq ki, hökumət qənaətli olsun. Hökumət də qənaət edib". Olaylar xəbər verir ki, bununla bağlı Milli Məclisin növbədənkənar sessiyasının bu gün keçirilən plenar iclasında vitse-spiker Əli Hüseynli danışıb.
 
Deputat həmkarı Vahid Əhmədovun sosial problemlərin müzakirəsi ilə bağlı komissiya yaradılması haqqında təklifinə münasibət bildirib: "Sosial problemlər o səviyyədə deyil ki, xüsusi komissiya yaradılsın, müzakirə olunsun. Dəfələrlə müvafiq komitələrin daxilində müzakirələr aparıldı. Mənə görə heç bir yeni məsələ yoxdur və komissiyanın yaradılmasına ehtiyac yoxdur".