Əflatun Amaşov Kiyevə gedir

Sentyabrın 26-27-də Ukraynanın Kiyev şəhərində Qara Dəniz İqtisadi Əməkdaşlıq Təşkilatı Parlament Assambleyasının İqtisadiyyat, ticarət, texnologiya və ekologiya məsələləri komitəsinin 51-ci iclası keçiriləcək.

Bu tədbirdə QDİƏT PA-da Azərbaycan parlament nümayəndə heyətinin üzvü Əflatun Amaşov iştirak edəcək.

İclasda Qara Dəniz İqtisadi Əməkdaşlığına üzv dövlətlərdə kiçik sahibkarlığın inkişafı və dəstəklənməsi mövzusunda müzakirələr aparılacaq, bir sıra təşkilati məsələlərə baxılacaq.

Teleqraf.com