Prezident bu həftə əfv sərəncamı verəcək
"Prezident yanında Əfv Məsələləri Komissiyası keçən həftə iclaslarına yekun vurub. Yəqin ki, bu həftə ərzində əfv sərəncamı ölkə başçısı tərəfindən imzalanacaq".
Bunu açıqlamasında Komissiyanın üzvü Rəşad Məcid deyib.
O xatırladıb ki, komissiyanın iclasları fevralda başlayıb, mayda yekunlaşıb: "Bu müddət ərzində 1500-ə yaxın müraciətə baxılıb. Ümumi rəy ondan ibarətdir ki, bu dəfə veriləcək əfv ən genişmiqyaslı sərəncam olacaq. Bu, amnistiyaya bərabər səviyyədə olan əfv sərəncamı olacaq. Artıq siyahı yekunlaşıb və tövsiyə xarakterli rəy ölkə başçısına təqdim olunacaq. Yəqin ki, bu həftə ərzində əfv sərəncamı imzalanacaq".
"Qafqazinfo"
Təklifinizi, şikayətinizi bizə yazın. Sizi dinlərik. 055 634 88 31