Saat 12:00-dək Ağdam kənd seçki dairəsində 8 mindən çox seçici səs verib

119 saylı Ağdam kənd seçki dairəsində saat 12:00-dək 8 min 477 seçici səs verib. Bunu sechki-2018.az saytına açıqlamasında dairə seçki komissiyasının sədri Rövşən Şükürov bildirib. O qeyd edib ki, səhət saat 8:00-dan 12:00-dək səs verən seçicilərin sayı 18 min 720 nəfərdir: "Dairənin tərkibində olan 42 seçki məntəqəsində seçici fəallığı yüksəkdir. Seçki prosesi öz qaydasında gedir. Heç bir qanun pozuntusuna rast gəlinməyib".

R.Şükürov 21 və 35 saylı seçki məntəqələrində veb-kameraların quraşdırıldığını deyib. Onun sözlərinə görə, seçki prosesini 405 yerli yerli müşahidəçi, 43 nəfər məşvərətli hüquqlu şəxs, ATƏT-in qısa və uzunmüddətli müşahidə qrupu və Rusiyadan olan iki müşahidəçi izləyir.

Qeyd edək ki, sözügedən dairə üzrə 42 min 224 nəfər seçicinin səs verəcəyi gözlənilir. 4 seçicinin yaşı 100-dən yuxarıdır. Ən yaşlı seçici 113  yaşındadır. 1224 nəfər ilk dəfə səs verəcək. 18 yaşı bu il tamam olan seçicilərin sayı 213 nəfərdir.