“Bu, İran-Azərbaycan münasibətləri tarixində ilkdir”
“İran prezidenti Həsən Ruhani Bakıya siyasi məsələləri, o cümlədən Dağlıq Qarabağ münaqişəsinin həlli yollarını müzakirə etməyə gəlməyib. İranın bu istiqamətdəki mövqeyində dəyişiklik yoxdur. Bakıda əsas müzakirə mövzusu şimal-cənub nəqliyyat xətti və Astara-Rəşt dəmiryolunun tikintisi üçün Azərbaycanın İrana ayıracağı 500 milyon dollar krediti rəsmiləşdirməkdir”. Bunu politoloq Elxan Şahinoğlu deyib.
"İran prezidenti Həsən Ruhani Bakıya siyasi məsələləri, o cümlədən Dağlıq Qarabağ münaqişəsinin həlli yollarını müzakirə etməyə gəlməyib. İranın bu istiqamətdəki mövqeyində dəyişiklik yoxdur. Bakıda əsas müzakirə mövzusu şimal-cənub nəqliyyat xətti və Astara-Rəşt dəmiryolunun tikintisi üçün Azərbaycanın İrana ayıracağı 500 milyon dollar krediti rəsmiləşdirməkdir". Bunu politoloq Elxan Şahinoğlu deyib.
Onun sözlərinə görə, İran-Azərbaycan münasibətləri tarixində bu bir ilkdir: "İrana heç bir dövlət böyük yatırım qoymur, biz də qoymazdıq əgər bu layihə Azərbaycanın geosiyasi və geoiqtisadi maraqlarına cavab verməsəydi: "Biz Şimal-Cənub layihəsi vasitəsilə Ermənistanın təcridini gücləndiririk, İran isə özü təcriddən çıxmağa çalışır. Demək, Şimal-Cənub nəqliyyat dəhlizi Azərbaycan üçün vacib olduğu qədər İran üçün də mühüm əhəmiyyəti kəsb edir. Birincisi, İran bu dəmiryolu vasitəsilə Avropa bazarlarına birbaşa çıxış imkanı qazanacaq, bu xəttin Bakı-Tiflis-Qars dəmiryoluna birləşməsi də mümkündür. İkincisi, Tehran bu layihələrə qoşulmaqla Amerikanın İranı təcridetmə siyasətini zəiflədəcək. Ona görə Tehran bu layihəyə və verilən kreditə görə bizə minnətdar olmalıdır". Sia.az