Azərbaycanın Avropa Məhkəməsindəki hakiminin statusu dəyişir
Milli Məclisin fevralın 13-də keçirilən plenar iclasında "Konstitusiya Məhkəməsi haqqında" qanuna dəyişikliyə baxılıb. “Olaylar” xəbər verir ki, parlamentin Hüquq siyasəti və dövlət quruculuğu komitəsinin sədri Əli Hüseynli dəyişiklik barədə məlumat verib. Dəyişikliyə əsasən, "Konstitusiya Məhkəməsi haqqında" qanuna aşağıdakı məzmunda 73.9-cu maddə əlavə edilib: "73.9. İnsan Hüquqları üzrə Avropa Məhkəməsinə Azərbaycan Respublikasından seçilmiş hakimin statusu Azərbaycan Respublikası Konstitusiya Məhkəməsi hakiminin statusuna bərabər tutulur və bu Qanunda, həmçinin digər normativ hüquqi aktlarda Azərbaycan Respublikası Konstitusiya Məhkəməsinin hakimi üçün nəzərdə tutulmuş təminatlar (bu Qanunun 71-ci, 72-ci, 73.5-ci, 73.6-cı və 73.8-ci maddələrində nəzərdə tutulmuş təminatlar istisna olmaqla) İnsan Hüquqları üzrə Avropa Məhkəməsinə Azərbaycan Respublikasından seçilmiş hakimə də şamil edilir".
Milli Məclisin fevralın 13-də keçirilən plenar iclasında "Konstitusiya Məhkəməsi haqqında" qanuna dəyişikliyə baxılıb. "Olaylar" xəbər verir ki, parlamentin Hüquq siyasəti və dövlət quruculuğu komitəsinin sədri Əli Hüseynli dəyişiklik barədə məlumat verib. Dəyişikliyə əsasən, "Konstitusiya Məhkəməsi haqqında" qanuna aşağıdakı məzmunda 73.9-cu maddə əlavə edilib: "73.9. İnsan Hüquqları üzrə Avropa Məhkəməsinə Azərbaycan Respublikasından seçilmiş hakimin statusu Azərbaycan Respublikası Konstitusiya Məhkəməsi hakiminin statusuna bərabər tutulur və bu Qanunda, həmçinin digər normativ hüquqi aktlarda Azərbaycan Respublikası Konstitusiya Məhkəməsinin hakimi üçün nəzərdə tutulmuş təminatlar (bu Qanunun 71-ci, 72-ci, 73.5-ci, 73.6-cı və 73.8-ci maddələrində nəzərdə tutulmuş təminatlar istisna olmaqla) İnsan Hüquqları üzrə Avropa Məhkəməsinə Azərbaycan Respublikasından seçilmiş hakimə də şamil edilir".
Təklif olunan dəyişikliyin məqsədi İnsan Hüquqları üzrə Avropa Məhkəməsinə Azərbaycan Respublikasından seçilmiş hakimin statusunun Azərbaycan Respublikası Konstitusiya Məhkəməsi hakiminin statusuna bərabər tutulması və onların Azərbaycan Respublikası Konstitusiya Məhkəməsinin hakimi üçün nəzərdə tutulmuş təminatlardan istifadə edilməsi üçün hüquqi əsaslarının yaradılmasdıdır.
Dəyişiklik səsə qoyularaq qəbul edilib.