“Ondan iki dəfə istifadə etmək mümkün deyil” – Surət Hüseynova ən sərt təpki

"Surət Hüseynov danışmağa başlayıb".

Turkustan.info xəbər verir ki, sabiq baş nazir, 1993-ci il 4 iyunda ölkədə hərbi çevriliş həyata keçirən Surət Hüseynovun son günlər aktivləşməsinə Qarabağ Azadlıq Təşkilatının sədri Akif Nağının münasibəti çox sərt olub. Təşkilat sədri Facebook səhifəsində bunları yazıb:

"Surət Hüseynov danışmağa başlayıb. Öz qərarı ilə danışırsa , yaxşı olar ki, danışmasın. Azdan-çoxdan hörməti var , onu da itirəcək. Yox, sifarişlə danışırsa, özünü yormasın, sifariş verənlər də əziyyət çəkməsinlər, bir alətdən iki dəfə istifadə etmək mümkün deyil. Bir şeyə nail ola bilməyəcəklər".