“Birinci vitse-prezident postuna ən layiqli şəxs gətirildi”

“Mehriban Əliyevanın birinci vitse-prezident seçilməsi çox yaxşı haldır. Bu xəbəri çox xoş qarşıladım”. Bunu deyən  Regional məsələlər komitəsinin sədri Arif Rəhimzadənin sözlərinə görə,  Mehriban xanım Azərbaycan maraqlarını daim dünyada təmsil edib: “Bundan sonra da belə olacaq.

"Mehriban Əliyevanın birinci vitse-prezident seçilməsi çox yaxşı haldır. Bu xəbəri çox xoş qarşıladım". Bunu deyən  Regional məsələlər komitəsinin sədri Arif Rəhimzadənin sözlərinə görə,  Mehriban xanım Azərbaycan maraqlarını daim dünyada təmsil edib: "Bundan sonra da belə olacaq. Hesab edirəm ki, Azərbaycanda birinci vitse-prezident postuna ən layiqli şəxs gətirilib". İctimai birliklər və dini qurumlar komitəsinin sədri Siyavuş Novruzov bildirib ki, Mehriban xanım uzun müddətdir Azərbaycan maraqlarını dünyanın bir çox ölkələrində təmsil edib, həm də Milli Məclisin deputatı kimi, UNESCO-nun səfiri kimi bunun şahidi olmuşuq: "O cümlədən mötəbər tədbirlərdə yaranan komitələrin rəhbəri olub. Azərbaycan mədəniyyətinin tanınmasında, Azərbaycan xalqının maraqlarının müdafiə olunmasında xüsusi xidmətlər göstərib, Ermənistanın Azərbaycana qarşı təcavüzü ilə bağlı bütün dünya ölkələrində maraqlarımızı təmsil edib.  Mehriban xanımın birinci vitse-prezident təyin olunması çox yerində və zəruri olan bir addımdır".