Yunanıstan və Türkiyə nümayəndələri gizli görüş keçirib?- ÖZƏL

Olaylar.az xəbər verir ki,  Yunanıstanın baş naziri Anne-Mariya Bura ilə Türkiyə prezidentinin nümayəndəsi İbrahim Kalın Brüsseldə gizli görüş keçirib. Bu barədə newsbreak.gr məlumat yayıb. Nəşrin məlumatına görə, söhbət "ən ciddi məxfilik şəraitində" Almaniya kansleri Olaf Şolzun diplomatik müşaviri Yens Plötnerin iştirakı ilə baş tutub. Qeyd olunur ki, tərəflər ikitərəfli münasibətləri bərpa etmək üçün bir-birlərinin niyyətlərini öyrəniblər. Bundan əvvəl "The New York Times"ın Avropadakı müxbiri Stiven Erlanqer bildirib ki, yüksək inflyasiya və lirənin ucuzlaşması şəraitində türk ordusu Yunanıstanda gecələr görünə bilər.  Nəşr qeyd edir ki, bir sıra ekspert və diplomatlar Türkiyə ilə Yunanıstan arasında müharibə olduğunu etiraf edirlər. Avropa rəsmiləri belə bir münaqişə təhlükəsinin həqiqətən mövcud olduğunu irəli sürürlər. NYT müxbiri hesab edir ki, Türkiyə ilə Yunanıstan arasındakı gərginlik Avropanın Rusiyaya qarşı mübarizədə birliyi qoruyub saxlamağa yönəlmiş mövqeyini çətinləşdirə bilər.