Qazaxıstan birjası Rusiya səhmlərinin satışını dayandırıb

Olaylar.az xarici KİV-ə istinadən xəbər verir ki, Qazaxıstan Fond Birjası (KASE) bu gündən etibarən Rusiya şirkətlərinin səhmlərinin satışını dayandırdıqlarını açıqlayıb.

KASE-nin açıqlamasında bildirilir ki, bəzi Rusiya şirkətlərinə tətbiq edilən məhdudiyyətlər səbəbindən martın 1-dən etibarən bu şirkətlərin səhmlərinin birjada satışı dayandırılıb.

"Ticarətin dayandırılması ilə bağlı qərar bu şirkətlərin qiymətli kağızları üzrə əməliyyatlara qoyulan məhdudiyyətlərlə bağlı Mərkəzi Depozitardan daxil olan məlumatlar çərçivəsində qəbul edilib" - məlumatda deyilir.

Qazaxıstan birjasında səhmləri dayandırılan Rusiya şirkətləri arasında federal hava yolu şirkəti Aeroflot, təbii qaz şirkəti Qazprom, neft şirkəti Lukoil, həmçinin Rostelekom və Sberbank kimi ümumilikdə 13 şirkət var.