Problem
İbrahim Mehdiyevin tikinti şirkəti Yasamalda həyətləri dağıdır
Yasamal rayonunda Z.Xəlilov küç. 36A, 36B, 36V, Ə.Cəmil küç.23, 25, 27 və Şəhriyar küç. 5 ünvanında yaşayan sakinlər Azərbaycan Respulikası qanunlarına həyasızcasına hörməsizlik edən «ELİTE CİTY» MMC-nin növbəti işinin şahidi olmuşlar. Belə ki, «ELİTE CİTY» MMC-nin muzdla tutduğu adamlar ağır texnikadan istifadə edərək, guya, həyətdə qanunsuz söküntü nəticəsində yaranmış zibilliyi təmizləmək adı ilə yeni 14 mərtəbəli yaşayış binasının tikintisi üçün qazıntılara başlamağa cəhd göstərmişlər.
Bankomatlardan pul oğurlanmasının qarşısını necə almaq olar?
Son illər cəmiyyətdə müxtəlif yönlü cinayətkarlıq hallarının artdığı kimi mənfi tendensiya müahidə edilir. Bu cinayətlərin bəziləri ağır, bəziləri isə yüngül ailə-məişət xarakterli, yaxud soyğunçuluq məqsədilə törədilən cinayətlər olur. Bir məqamı xüsusi vurğulamaq lazımdır ki, elm və texnika, texnologiyalar inkişaf etdikcə, sanki cinayət növləri də yeni texnologiyalara uyğunlaşır. Son illərdə soyğunçuluq məqsədilə həyata keçirilən cinayətlər sırasında bankomatlardan cinayət yolu ilə pul əldə etmə kimi mənfi hallar da müşahidə edilir.
AzTV-nin əməkdaşını maşın vurdu
Azərbaycan Televiziya və Radio Verilişləri QSC-nin əməkdaşını maşın vurub. Hadisə Parlament prospektində baş verib. Axşam saatlarında işdən çıxan Lamiyə Quliyeva prospektdə piyada keçidi ilə yolu keçərkən Bakı şəhər sakini Xamis Ağcayevin idarə etdiyi “Mercedes” markalı avtomobil vurub. Xəsarət alan Lamiyə Quliyeva xəstəxanaya yerləşdirilib. Həkimlərin səylərinə baxmayaraq, onun həyatını xilas etmək mümkün olmayıb.
Göygöldə "Volkswagen" yandı
Göygöldə yanğın qeydə alınıb. Göygöl rayonunda vətəndaşa məxsus "Volkswagen" markalı minik avtomobilin salonunda idarəetmə lövhəsi yanıb.
Şəmkirdə partlayış: yaralanan var
Bu gün səhər saatlarında Şəmkirdə yaşayış evində partlayış olub. Hadisə rayonun Şiştəpə kəndində qeydə alınıb. Kənd sakini 1977-ci il təvəllüdlü Araz Həsənov yaşadığı evdə qaz sızdığını hiss etməyərək siqaret çəkib və bu zaman partlayış baş verib. Hadisə zamanı A.Həsənov yanıq xəsarətləri alaraq xəstəxanaya yerləşdirilib. Onun vəziyyətinin orta ağır olduğu bildirilir.