Qasırğa Göygölü ağuşuna aldı

Hacıməlikli kəndində güclü qasırğa olub

Ötən gün Göygöl rayonunda güclü qasırğa olub. Qasırğa axşam saatlarında qopub. Təbiət hadisəsi Hacıməlikli kəndində bir çox problemlər yaradıb. Belə ki, kəndin orta məktəbi, uşaq bağçası, poçt və yaşayış binalarının dam örtükləri dağılıb. Fərdi yaşayış evlərinə ciddi ziyan dəyib. Bundan başqa, kəndə verilən elektrik enerjisi dayandırılıb. Hazırda qasırğanın yaratdığı fəsadlar araşdırılır. Problemlərin aradan qaldırılması istiqamətində iş görülür. Anspress