Füzuli rayonundakı Hacı Ələkbər məscidi də dağıdılıb

Füzuli şəhərindəki Hacı Ələkbər məscidi memar Kərbalayı Səfixanın ilkin işlərindəndir. "Olaylar" Mədəniyyət Nazirliyinə istinadən xəbər verir ki, məscidin giriş qapısı üzərindəki daş kitabədə "Memar Kərbalayı Səfixan Qarabağinin işidir" - sözləri yazılıb. Kitabədə məscidin tikilmə tarixi də - hicri tarixi ilə 1307-ci il göstərilir. Bu tarixi miladi təqviminə çevirəndə 1889-1890-cı illərə uyğun gəlir.1993-cü ildə Füzuli rayonunun Ermənistan tərəfindən işğalından sonra Hacı Ələkbər məscidi yararsız hala salınıb.