Bakı Metropoliteni rəhbərliyi sərnişinlərdən üzr istədi

"Koroğlu" stansiyasının 2-ci yolunda sərnişin qatarında texniki nasazlıq baş verib

Bakı Metropoliteni bu gün qataraların hərəkətində baş verən problemlə bağlı məlumat yayıb. Metropolitendən ANS PRESS-ə verilən məlumata görə, bu gün saat 07:34 dəqiqədə "Koroğlu" stansiyasının 2-ci yolunda 4 saylı marşrutla hərəkət edən sərnişin qatarında texniki nasazlıq baş verib.
Sərnişinlər qatardan boşaldılıb, nasaz qatar köməkçi qatar vasitəsilə xətdən çıxarılaraq, "Nərimanov" elektrik deposuna göndərilib. 21 dəqiqədən sonra metropolitenin xətlərində qatarların normal hərəkəti bərpa olunub.
Yaranmış narahatlığa görə Bakı Metropoliteni sərnişinlərdən üzr istəyir.