Azərbaycanda 400 min insan sonsuzluqdan əziyyət çəkir - AKTUAL

Azərbaycanda süni mayalanma 2004-cü ildən həyata keçirilir və artıq bu sahədə ciddi uğurlar əldə edilib. Bu barədə məlumat verən Səhiyyə Nazirliyinin Elmi-tədqiqat Mamalıq və ginekologiya İnstitutunun direktoru Faizə Əliyevanın sözlərinə görə, Azərbaycanda ildə 1000 qadın süni mayalandırma ilə bağlı müraciət edir: "Əgər Avropada bununla bağlı müraciət edənlərdə yalnız 30-35 faiz müsbət nəticə əldə edirlərsə, Azərbaycanda bu göstərici 40-45 faiz arasındadır. Bu gün Azərbaycanda təxminən 400 min insan sonsuzluqdan əziyyət çəkir, onların böyük əksəriyyəti kişilərdir. Bu, digər ölkələrlə müqayisədə çoxdur".