Bakının iki rayonunda bu gün içməli suyun verilməsində fasilələr olacaq

Magistral su xəttində təmir işləri aparılır

Bu gün gün ərzində paytaxtın Nəsimi və Nərimanov rayonlarının bir hissəsinə - C. Hacıbəyli, M.Qaşqay, X. Şuşinski, S. Rüstəm küçələrinə, eləcə də Vaqif prospektinə içməli suyun verilməsində fasilələr olacaq.
"Azərsu" ASC-nin mətbuat xidməti və ictimaiyyətlə əlaqələr şöbəsindən ANS PRESS-ə verilən məlumata görə, Bakı şəhəri Nərimanov rayonu F.X. Xoyski küçəsindən keçən magistral su xəttində təmir işləri aparılır. Yaranmış narahatlıqla əlaqədar "Azərsu" ASC abunəçilərdən üzr istəyir.