Rusiya Ermənistana silah almaq üçün 200 milyon ayırdı

Rəsmi Moskva və İrəvan Ermənistana 200 milyon dollar kredit ayrılmasına dair saziş imzalayıblar.

Virtualaz.org Rusiyanın rəsmi hüquq informasiya portalına istinadən bildirir ki, kredit ilk ödəniş 2018-ci ilin əvvəlinə qədər ödənilməklə 10 il müddətinə verilib.

Vəsait Rusiya istehsalı olan hərbi texnikanın və silahların alınmasının maliyyələşməsinə ayrılıb.

Sənədə əlavəyə əsasən, Ermənistan Rusiyadan "Smerç" reakiv yaylım atəşi sistemləri və onun sürsatlarını, "Igla-S" zenit-raket sistemləri, yerüstü radiotexniki kəşfiyyat kompleksi "Avtobaza-M", "TOS-1A" ağır odatanları, "9M113M" idarəolunan raketləri, "RPG-26" qumbaraatanları, Draqunov snayper tüfəngi, "Tiqr" zirehli avtomobilləri, mühəndis və rabitə vasitələri alacaq.

Siyahı ikitərəfli razılıq əsasında dəyişdirilə bilər.