FHN generalı: “Neftçilərdən hələ tapılanı yoxdur”

""Günəşli" yatağında baş vermiş qəza nəticəsində itkin düşən neftçilərin axtarışı və yanğının söndürülməsi istiqamətində işlər davam etdirilir".

Virtualaz.org saytı xəbər verir ki, bunu fövqəladə hallar nazirinin müavini, general-leytenant Etibar Mirzəyev deyib.

Nazir müavininin sözlərinə görə, FHN-dən 3 helkiopter və 1 təyyarə, Sərhəd Xidmətindən isə 2 helikopter və gəmilər axtarışa cəlb olunub: "Amma hələlik tapılan yoxdur. Xəzəryanı ölkələr də axtarışlar barədə məlumatlandırılıb. Onlar da bu işdə bizə kömək edirlər".