Bakı Uşaq Teatrının kollektivi qastrol səfərindən qayıdıb

Bakı Uşaq Teatrı Türkiyədə Ramazan ayı ilə əlaqədar keçirilən festivalda uğurla çıxış edib. SİA-nın məlumatına görə, böyük maraqla keçirilən festivalda Azərbaycan, Belarusiya, Gürcüstan teatrları qonaq qismində iştirak edib. Bakı Uşaq Teatrı festivalda  teatrın repertuarında olan tamaşalardan parçalar, illüziya nömrələri nümayiş edirmiş, klounlar çıxışı və teatrın aktrisalarının ifasında xalq mahnılarından ibarət konsert proqramı təqdim olunub. Türkiyənin Mərzifon Şəhər Bələdiyyəsinin təşkilatçılığı ilə həyata keçən festival 3-6 iyul tarixlərində baş tutub. Qastrol səfərində İntiqam Soltanın rəhbərliyi ilə aktyorlardan Tofiq İsgəndərli, Rauf Hüseynov, Vüsalə Bəşirova, Şahin Kazımov, Rəfail Muradxanlı, Günay Pirizadə iştirak ediblər.