“Azərbaycanım” adlı III Respublika Uşaq Rəsm Festivalına qeydiyyat vaxtı uzadıldı

Azərbaycan Respublikasının Mədəniyyət Nazirliyi, Təhsil Nazirliyi, Azərbaycan Televiziya və Radio Verlişləri Qapalı Səhimdar Cəmiyyəti, Xətai İcra Hakimiyyəti, Azərbaycan Rəssamlar İttifaqı, Naxçıvan Rəssamlar Birliyinin dəstəyi, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə "Azərbaycanım" III Respublika Uşaq Rəsm Festivalına start verilmiş və festival çərçivəsində müsabiqə elan olunmuşdur.

Olaylar.az bildirir ki, festivalda iştirak etmək istəyən çoxsaylı insanların bizə müraciətlərini və koronavirus (COVİD-19) pandemiyası ilə əlaqədar müsabiqənin müddətinin artırılması xahişlərini nəzərə alaraq "Azərbaycanım" adlı III Respublika Uşaq Rəsm Festivalı car ilin may ayının 15-ə kimi uzadılmasına qərar verilib.

Əlavə məlumat üçün Azərbaycan Dövlət Rəsm Qalereyasının rəsmi saytı, Xətai Sənət Mərkəzinin saytı və sosial şəbəkələrdəki hesabları vasitəsilə əldə etmək mümkündür.

Müsabiqədə iştirak etmək üçün 21yaşa qədər uşaqlar və yeniyetmələrin www.xsm.az saytında tədbirlər bölümündəki "Azərbaycanım" afişasına toxunmaqlavə ya http://xsm.az/site/azerbaycanimfestival/ linkinə daxil olub 1 və ya 2 əsərinizin fotosunu daxil etməklə göstərilən anketi doldurmağınız tələb olunur.