Məşhur aktyorun "Kişi ol" filmi
Daha çox baxımlı serialların ssenari müəllifi və aktyor kimi tanınan Valeh Əhmədov bu dəfə tamaşaçıların qarşısına bədii filmlə çıxmağa hazırlaşır.
Daha çox baxımlı serialların ssenari müəllifi və aktyor kimi tanınan Valeh Əhmədov bu dəfə tamaşaçıların qarşısına bədii filmlə çıxmağa hazırlaşır.
Həm ssenari müəllifi, həm də rejissoru olduğu "Kişi ol" adlı film dram janrındadır. Müasir həyatın içindən gələn mövzunun tamaşaçıların ürəyincə olacağı gözlənilir. Filmin çəkilişləri artıq yekunlaşıb. Çəkilişlər Bakı və İsmayıllıda olub. "Kişi ol" filmində Xalq artistləri Həmidə Ömərova, Qurban İsmayılov, tanınmış aktyorlar Tural Baxış, Fəridə Şahbazova, Kamil Nazim, Aysel Nasir, Xatirə Süleymanova, Flora Hüseynli, Vaqif Kərimov, Namis Şirməmmədov, Elvin Ağayev, Sənan Əlləz, Əli Əlizadə, Cavanşir Məhərrəmov, Namiq Məna, Erkin Ergin, Nigar Məmmədova, Aydan Həsənzadə, Rəşad Bəxtiyarov, Elgün Hüseynov, Elsevər Mehdizadə, Sabir Samiroğlu və digərləri rol alıblar.
Filmin bu il işıq üzü görəcəyi gözlənilir. Hazırda montaj prosesi gedir.
