Muğam Mərkəzində “Ritm varsa həyat var”

Muğam Mərkəzində  əməkdar artist Natiq Şirinovun rəhbərliyi ilə "Natiq ritm qrupunun  "Ritm varsa həyat var" adlı solo konserti baş tutdu. Mərkəzdən "Olaylar" - a bildirlib ki, musiqi mədəniyyətimizin tarixində ilk dəfə zərb alətlərinin birgə ahəngini gerçəkləşdirən "Natiq ritm qrupu"  tamaşaçıları təəccübləndirməyi bacardı. İfaçı Azərbaycanın ilk ritm bəstəkarıdır.O, öz musiqi qrupu ilə birlikdə Beynəlxalq mükafatlarla və adlarla təltif olunub.

Konsertdə ilk öncə  həyatın  hər bir anında, təbiətdə mövcud olan hər bir səsdə ritmin mövcudluğunu nümayiş etdirən video çarx nümayiş olundu. Bir çox ilklərin yaşandığı konsertdə Azan da səsləndi.Sonra  Qafqazın ən böyük diametri 1 metr olan  nağaranın ritmləri altında "Həyat varsa ritm var" adlı kompozisiya səsləndirildi. Konsert zamanı qrupun ifasında "Qatar" kompozisiyası, Şahmar Ələkbərzadənin "Nağara" şeri, "Mehriban" kompozisiyası, "Qaval rəqsi", " Bir qəlbdə iki ruh", "Söz və ritm", "Nağarada arabeska", "Qaytağı" musiqi  nömrələri ifa olundu.

Qrupun tərkibində Ümüd Şirinov, Hikmət Rzayev,Elbəy İsgəndərov, Seymur Cəbrayılov, Fərid Nəzirov,Məqsəd Əzizov, Namiq Şirinov, Bayram Üzeyirov, Anar Abbasov, Samir Əliyev çıxış etdilər.