Bakıda külli miqdarda pul və qızıl oğurlandı

Evi qarət edən şəxs yaxalanıb

Bakıda mənzildən külli miqdarda pul və qızıl oğurlanıb. Bakı şəhər Baş Polis İdarəsindən Anspress-ə verilən məlumata görə, hadisə Hövsan qəsəbəsi E.Qasımov küçəsində Emil Vəliyevə məxsus evdə baş verib. Onun mənzilindən 18,5 min manat və qızıl-zinət əşyaları oğurlanıb. Suraxanı rayon Polis İdarəsinin 30-cu polis bölməsi əməkdaşlarının keçirdikləri əməliyyat tədbirləri nəticəsində oğurluqda şübhəli bilinən Hövsan qəsəbə sakini, 1988-ci il təvəllüdlü Zaur Cəfərov saxlanılıb. Faktla bağlı araşdırma aparılır.