Bankomat kartından pul oğurlayan şəxs ələ keçdi

Bakıda internet vasitəsilə bankomat kartından pul oğurlayan şəxs yaxalanıb. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, bu il sentyabr ayının 17-dən oktyabr ayının 22-dək olan müddətdə Bakı şəhər sakini Elman Muradovun "Zamin bank"-a aid bankomat kartından internet vasitəsi ilə 137 manat oğurlanıb. Nəsimi RPİ əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Bakı şəhər sakini Ceyhun Əsgərov tutulub.