DİN Xırdalanda oğulun anasını öldürməsi barədə məlumat yaydı

Daxili İşlər Nazirliyi Abşeronda oğulun anasını qətlə yetirməsi barədə məlumat yayıb. "OLAYLAR"ın nazirliyin saytına istinadən yaydığı məlumata görə, oktyabrın 23-də Rusiya Federasiyası vətəndaşı Hümmət Nağızadə yaşadığı Xırdalan şəhərindəki evdə qısqanclıq zəminində anası Fatiməni boğub. H.Nağızadə könüllü olaraq Abşeron RPŞ-yə gələrək təslim olub.